A keni menduar ndonjëherë se përse doktorët veshin uniformë të gjelbër ose të kaltër gjatë kohës që janë në dhomën e operimit, por asnjëherë nuk veshin gjë të bardhë?
Dikur i gjithë stafi mjekësor kishte veshur rroba të bardha, derisa një ditë, në vitin 1914, një doktor me ndikim nisi traditën e uniformës së gjelbër e të kaltër.
Arsyeja për këtë është se ngjyra e bardhë mund t’i verbojë kirurgët për disa minuta kur e ndryshojnë shikimin nga një ngjyrë e errët e gjakut në ngjyrën e bardhë të manteleve të kolegëve të tyre.
I njëjti efekt ndodh edhe kur del jashtë në dimër dhe sheh rrezet e diellit e më pas borën.
Gjithashtu, ngjyra e gjelbër dhe e kaltër konsiderohen si ngjyra e kundërt e së kuqes sa i përket spektrit të dritës vizuale, dhe gjatë një operimi kirurgët janë gjithmonë duke u përqendruar në ngjyra të kuqe dhe kur ngrenë kokën duan një ngjyrë që mos u vrasë syte.
Në ndihmë u vjen ngjyra e gjelbër dhe e kaltër e manteleve të tyre që përmirësojnë shikimin e një kirurgu./tesheshi.com/
