Ekspertët e aviacionit kanë shpjeguar arsyen se përse tendat e dritareve të vogla në bordin e avionëve duhet të mbahen gjithmonë të hapura gjatë uljes. Të jeni të sigurt se nuk bëhet gjallë aspak për të shijuar pamjen. Saran Udayakumar, përgjegjës i sigurisë ajrore, ka treguar se dritaret mbahen hapur për një sërë arsyesh.
Në radhë të parë, në raste emergjence, ekuipazhi i kabinës ka në dispozicion vetëm pak minuta për të evakuuar avionin dhe nëse tendat e dritareve janë të ngritura, mund të shikohet menjëherë gjendja apo kushtet ekstreme. Në të njëjtën mënyrë, ata që përpiqen së jashtmi të na ndihmojnë, mund të shikojnë se çfarë po ndodh brenda avionit.
Një tjetër arsye është se duke pasur tendat hapur, edhe vetë pasagjerët mund të kontribuojnë në sinjalizimin e anomalive të ndryshme tek personeli i bordit, të cilët mund të reagojnë duke marrë masat paraprake, pa u përkeqësuar ende gjendja.
Duke pasur tendat të hapura, ka më shumë dritë që hyn në kabinë dhe pjesa e brendshme e avionit bëhet edhe më e dukshme.
Udayakumar shpjegon: “Pasagjerët janë kurjozë dhe për pasojë janë sytë e duhur për të parë nëse ka diçka që nuk shkon siç duhet jashtë. Zakonisht raportojnë për ato gjëra që ju duken si të papërshtatshme”.
Ndërkohë, piloti i linjës Kare Lohse shton: “Ka pasur raste në të cilat pasagjerët kanë vënë re probleme teknike, duke parë jashtë dritareve në pjesën e krahëve apo në motor. Normalisht, probleme të tilla ndodhin shumë rrallë”. /tesheshi.com/
