Me shumë mundësi do ta keni vënë re këtë lëvizje të kafshës suaj përpara se të flejë gjumë, sigurisht nëse e keni një qen në shtëpi. Shpesh, përpara se të ulet apo të shtrihet, qeni vjen rreth vetes disa herë në formë rrethore. Bën disa lëvizje që duken si pa kuptim, por në fakt nuk është aspak kështu.
Kjo sjellje e përbashkët si për qentë edhe për macet, është e lidhur me kohën kur ata ishin ende të egër. Zakoni i rrotullimit rreth vetes përpara se të ulen apo të shtrihen për të fjetur, siç shpjegojnë etologët, shërbente për të sheshuar dheun apo për të hequr barërat e këqija, mbeturinat, degët e pemëve apo gurët, në mënyrë që vendi ku do të qëndronin të ishte më i pastër dhe i rehatshëm.
Nuk përjashtohet edhe mundësia që një lëvizje e tillë shërbente për të parë në mënyrë të shpejtë në horizonte, nëse paraqitej ndonjë rrezik nga ndonjë armik. /tesheshi.com/
