Lumturi? Përkëdhelje? Fëmijët e vegjël buzëqeshin për të bërë për të qeshur nënën dhe babanë e tyre. Në revistën “Plos One”, një ekip ekspertësh të informatikës, robotikës dhe psikologjisë së zhvillimit konfirmojnë atë që pjesa më e madhe e prindërve e dyshonin prej kohësh.
Kur fëmijët e vegjël buzëqeshin, e bëjnë këtë me një objektiv të caktuar: për të marrë një buzëqeshje nga personi me të cilin ata ndërveprojnë. Ndër të tjera, të vegjlit arrijnë qëllimin e tyre duke përdorur ‘maksimizimin e kohës’, si puna e komedianëve.
Për të realizuar studimin, kërkuesit e universitetit të San Diegos në SHBA kanë programuar një robot të vogël në mënyrë që ai të sillej sikurse edhe fëmijët. Në praktikë, kanë regjistruar bashkëveprimet “sy më sy” të 13 çifteve nënë-fëmijë më të vegjël se 4 muajsh dhe kanë krijuar një algoritëm të veçantë për robotin. Në përfundim janë marrë të njëjtat rezultate: fëmija-robot ka bërë për të qeshur sa më shumë fëmijë që ishte e mundur, duke qeshur vet më pak. Studiuesit nënvizojnë se “nuk është e mundur të determinosh nëse fëmijët janë të ndërgjegjshëm për atë që bëjnë, por të dhënat dëshmojnë se ata kanë qëllimet e tyre në bashkëveprim, edhe në moshën 4 mujore”./tesheshi.com/
