Duket e çuditshme që në kohën tonë të flasim për pelena që lahen. Megjithatë ka shumë prindër që i preferojnë në vend të atyre njëpërdorimshme
Në një planet me burime që po sosen dhe i mbytur në plehra, përdorimi i këtyre pelenave është një ndër zgjedhjet që ne mund të përvetësojmë për të dhënë kontributin tonë në shpëtimin e planetit. Nuk është një kthim pas në kohën e gjysheve tona, sepse atëherë këto pelena laheshin me dorë ndërsa sot i lanë lavatriçja. Përkundrazi, është një hap drejt së ardhmes kur mendojmë për një të ardhme të qëndrueshme ku të gjithë zgjedhin më të mirën për ambientin.
Janë bërë studime krahasuese të burimeve që duhen për prodhimin e këtyre pelenave dhe të burimeve si ujë, energji elektrike dhe detergjent që duhet konsumuar gjatë përdorimit dhe megjithatë pelenat kanë një kosto shumë herë më të lartë, sidomos kur mendojmë për depozitimin e mbeturinave dhe procesin e riciklimit.
Është e vërtetë se ka më shumë lodhje dhe angazhim, dhe është e vërtetë se ka një kosto më të lartë se pelenat njëpërdorimshme. Por po ta mendosh mirë, nëse gjatë periudhës kohore që duhet ndërruar foshnja një ditë, duke përllogaritur një minimum prej çdo 3 orësh, ke në dispozicion një numër prej minimum katër ose pesë pelenash që lahen.
Dhe nëse vetëm një copë bën sa një pako e tërë, llogarit koston e pelenave që shpenzon në një periudhë 2 ose 3 vjeçare. Ndërkohë këto katër ose pesë copë çdo vit sepse janë elastike dhe të përshtatshme për rritjen e përmasave trupore të foshnjës dhe fëmija i ka që kur lind deri tek koha e oturakut. /tesheshi.com/
