Një bashkim i arsimtarëve hungarezë kanë protestuar për një kurrikul të ri shkollor, për të cilin ata thonë se u krijua nga partia qeverisëse Fidesz për të promovuar programin e saj nacionalist dhe për të kufizuar lirinë akademike, raportoi Reuters.
Kryeministri hungarez Viktor Orban, udhëheqësi i Fidesz, është kritikuar shpesh nga Bashkimi Evropian dhe organizatat e të drejtave të njeriut për një seri politikash që ata pretendojnë se minojnë sundimin e ligjit në Hungari.
Në sektorin e arsimit, Orban kufizoi lirinë e Akademisë Hungareze të Shkencave dhe detyroi Universitetin e Evropës Qendrore të largohej nga vendi.
Ministria e Arsimit lëshoi të premten Kurrikulën Kombëtare Themelore (NAT), duke detajuar materialet mësimore në shkollat fillore dhe të mesme.
Unioni Demokratik i Mësimdhënësve (PDSZ) ka bërë thirrje për një protestë kundër ndryshimeve që tani kanë hyrë në ligj.
“Problemi është se korniza arsimore bazohet në ideologji dhe jo në parime profesionale”, shkruante PDSZ në faqen e saj të internetit, duke thënë se “duhet të tërhiqet”.
Mësuesit e historisë dhe letërsisë kanë lëshuar një deklaratë të veçantë duke u ankuar se NAT po promovon autorë dhe programe nacionaliste.
Për shembull, në mesin e dhjetë shkrimtarëve më të rëndësishëm hungarezë, NAT përfshin Ferenc Herzzeg, i cili ishte një përkrahës i zjarrtë i diktatorit fashist italian Benito Mussolini.
Mësuesit protestues kanë filluar të postojnë fotografi në rrjetet sociale me etiketën #noNAT dhe parullat si “Unë nuk do të mësoj fashizmin”. /tesheshi.com/
