Shqipëria renditet e para jo vetëm në rajon, por edhe mes shumë vendeve të BE-së, përsa i takon numrit të lartë të fëmijëve që ndjekin shkollën.
Në Shqipëri 81.3 për qind e grup moshës 3-6 vjeç marrin pjesë në arsimin parashkollor, kur në vendet Europës Lindore dhe Qendrore ky tregues kishte një mesatare prej 69.7 përqindësh për vitin 2015.
Pjesëmarrja në arsimin parashkollor është edhe më larta se mesatarja e vendeve në Kombet e Bashkuara prej 71.% për qindësh.
Në vendet e zhvilluara të Evropës pjesëmarrja në arsimin parashkollor është edhe më e lartë, se 100 për qind për shkak të se në këto vende arsimi parashkollor ndiqet edhe emigrantë të cilët nuk e kanë fituar ende shtetësinë.
Ministria e Arsimit synon që rritja e numrit të fëmijëve që frekuentojnë arsimin parashkollor me 4-5% me qëllim që numri i fëmijëve në arsimin parashkollor në vitin 2016 të arrijë në nivelin 86%.
Sipas një analizë të Ministrisë së Arsimit, kjo do të arrihet përmes miratimit të kornizës së re kurrikulare dhe programeve për çdo grupmoshë për arsimin parashkollor, trajnimit të 1500 mësuesve (15-20% në vit), rikonstruksionit dhe ndërtimit (150 – 200 klasa në vit) të kopshteve dhe pajisjes me materiale didaktike .
Në vitin 2015 u konsolidua rritja e numrit të fëmijëve që frekuentojnë arsimin parashkollor me 4-5% (duke përfshirë arsimin publik dhe arsimin privat), përmes sigurimit të kushteve të infrastrukturës dhe mbështetje me personel mësimor edukativ të kualifikuar dhe trajnuar, duke siguruar mundësi financimi për trajnimin e tyre; për vitin shkollor 2015-2016 numri i fëmijëve që ndjekin arsimin parashkollor është 82,623 fëmijë, raporton “Monitor”.
Por në vitet në vijim do të jetë më e lehtë për të siguruar aksesin e fëmijëve në arsimin parashkollor për shkak të rënies së numrit të lindjeve. Kërkesa për shërbimet e arsimit parashkollor do të vije në rënie teksa investimet në ketë sektor janë në rritje.
Aktualisht një edukatore në kopësht ka në përgjegjësi edukimi per më shumë se 20 fëmijë, kur ne Europë dhe vendet e zhvilluara normaështë një edukatore për 7-9 fëmijë. /tesheshi.com/
