Derbi i Londrës u ka buzëqeshur topçinjve, që në vetëm një pjesë i kanë shënuar tre herë Çelsit.
Arsenali ka bërë një paraqitje të shkëlqyer në 45 minutat e para, duke u risjellë në kujtesë tifozëve të tij ekipin që dominonte futbollin anglez vite të shkuara.
Takimi i kësaj mbrëmjeje ka përfunduar 3-0 për Arsenalin, që tani e sheh veten në vend të tretë në renditjen e Premier League-s.
Golat janë shënuar nga Sanchez, Walcott e Özil. Kjo ka qenë fitorja e katërt radhazi e Arsenalit në kampionat, dukshëm në një formë të mirë në këtë nisje sezoni.
Përndryshe, Çelsi ka pësuar një tjetër humbje pas asaj të tetë ditëve më parë ndaj Liverpulit. Skuadra e Antonio Conte është vërtet në krizë, duke ripërsëritur simptomat e sezonit të shkuar.
Tekniku italian ka një sfidë të jashtëzakonshme përpara, për të risjellë në vete një ekip të dorëzuar, pa stimuj, e që nuk fiton në kampionat që prej 27 gushtit. /tesheshi.com/
