Topçinjtë u janë rikthyer sërish fitoreve, teksa kanë fituar pastër në shtëpi, 2-0, ndaj Bournemouth-it. Kanë mjaftuar dy goditjet e Gabriel Paulista-s dhe Mesut Özil-it, të dërguara në rrjetën e Artur Boruc-it, që gunners-at të marrin pikët e plota nga ky duel, çka i bëjnë kryesues të përkohshëm në Premier Ligën angleze, të paktën deri ditën e sotme, kur Leicester City do të zhvillojë duelin ndaj Manchester City-t.
Në sfidën e shumëpritur të kësaj të hëne, Manchester United – Chelsea, skuadrat janë kënaqur me nga një pikë, duke e mbyllur pa gola 90-minutëshin në “Old Trafford”. Përballje kjo që vërtetoi krizën e lojës që po kalojnë dy ekipet, pasi nuk treguan thuajse asgjë në fushë, duke krijuar fare pak raste për shpëtim. Stoli i Louis van Gaal-it, trajnerit të “djajve”, vazhdon të lëkundet, ndryshe atij të holandezit tjetër, Guus Hiddink, që ende nuk është ngrohur mirë.
Situatën jo të mirë të dy ekipeve angleze me emër e tregon dhe renditja e tyre: Manchester United gjendet në vend të gjashtë, me 30 pikë, e Chelsea është akoma më poshtë, në të 14-tin, me vetëm 20 pikë. /tesheshi.com/
