Për dallim nga shumë ndërtesa që të lënë me gojë hapur në kryeqytetin e Katarit, Doha, spitali Aspetar nuk ka qëllim të tillë. Ai nuk është ndërtuar nga mermeri italian, nuk është 50 katësh, dhe nuk shkëlqen natën. Është i fshehur mes ndërtesave të Dohas që prekin qiellin, i bluar në madhështinë e tyre.
Aspetar është thjeshtë një spital. Sapo të hyni brenda, kuptoni se ka diçka të vecantë aty. Ai është në fakt spitali më i njohur në botë ku sportistët mbarojnë tretmanët shëruese e rehabilituese pas lëndimeve në fushë.
Është një vend ku bëhet importim organesh për hulumtimet më të reja shkencore, dhe një vend ku yjet si Angel di Maria, Neymar, Mo Farah, Yaya Toure, Amir Khan dhe Sam Warburton kanë gjetur trajtim.
Nëse NASA ka qendrën tokësore në Hjuston të Teksasit, mjekësia sportive e ka në Doha.
Qysh prej hapjes në 2007-tën, qëllimi i këtij spitali ishte të bëhej lider në fushën e tij. Për ta arritur këtë rekord, ata punësuan disa nga mendjet më të ndritura të mjekësisë sportive.
Atyre iu ofruan resurse të pabesueshme për të krijuar pajisje krahas nevojës. Ata madje kishin edhe fusha operative të dizajnuara sipas nevojave të kirurgëve.
Ata prezantuan teknologjinë e re – si pllaka rrëshqitëse anti-gravitet, që u mundëson sportistëve të kthehen në formë pa i dëmtuar muskujt.
Brendia e spitalit i përngjan një skenari hollivudi, ku secili pacient ka pranë tij muskujt e vizatuar në 3D, ku jepen detaje të forcës muskulare dhe elasticitetit.
Trajtimi bëhet në bazë të të dhënave të avancuara, dhe deri tani, asnjë rast nuk ka dalë i pakënaqur nga aty.
Dhomat e spitalit kanë një ventilim të mbushur me elemente natyrore që i përngjajnë bjeshkëve, duke liruar jonet e caktuara në ambient. Reduktimi i oksigjenit bën që sportistët të kenë një ambient specifik për aktivitetin e tyre.
Pajisja për stimulimin e trupit dhe shpejtimin e prodhimit të qelizave të kuqe gjithashtu ofrohet në këtë ambient.
Monitorimi 24 orësh dhe dieta të rrepta, me orar dhe matje të sakta të kalorive, është vetëm njëra pjesë e përkushtimit.
Të gjithë sportistët e trajtuar tregojnë se askund në botë nuk gjendet ky spital special për atletë.
Prej tani e tutje, mos u habisni se si ka mundësi që lëndimi i tmerrshëm në fushë nuk i ndalon sportistët që të paraqiten në formë pas pak javësh. Mjekësia e mbështetur në zbulimet e reja, zyrtarisht bën mrekulli. /tesheshi.com/
