Numri i të vdekurve nga tërmeti masiv që goditi Meksikën natën e së enjtes u rrit në të paktën 90, pasi shërbimet emergjente në shtetin jugor të Oaxacas thanë të shtunën se kishte pasur 71 vdekje të konfirmuara vetëm në atë shtet.
“Janë 71 të vdekur vetëm për Oaxaca”, tha Jezus Gonzalez, një zëdhënës i autoritetit shtetëror të mbrojtjes civile.
Të paktën 15 vetë vdiqën në shtetin fqinjë të Chiapas, sipas autoriteteve lokale, ndërsa katër të vdekur janë konfirmuar edhe në shtetin e Tabaskos në veri.
Tërmeti 8.1 magnitudë që goditi në brigjet e Chiapas të enjten, ishte më i fortë se një tërmet shkatërrues i vitit 1985 që rrafshoi zonat e Meksikës dhe vrau mijëra njerëz.
Përpjekjet për ndihmë në jug vazhduan deri të shtunën, ku shumë prej njerëzve më të prekur janë ende të kujdesshëm për t’u kthyer në ambiente të mbyllura të ndërtesave të dobësuara, nga frika se mund të rrafshohen në tërësi nga tronditjet e vazhdueshme. /tesheshi.com/
