Arrihet marrëveshja për reformën në drejtësi.
Pas mbylljes së dratit nga ana e ekspertëve, Edi Rama, Lulzim Basha dhe Ilir Meta kanë firmosur që nesër të votojnë reformën në drejtësi.
Ka qenë komisioneri Hahn, austriaku që ka bërë edhe marrëveshjen e pazbatuar e Perzhinos, i cili ka sjellë tekstin që bëri të tërhiqet PD-ja.
Shpalljen e lajmit e bëri vetë lideri i opozitës Lulzim Basha.
“Sapo kam përfunduar një komunikim intensiv me partnerët amerikanë dhe europianë. Pas komunikimit më të fundit të rakorduar nga komisioneri Hahn, roli i misionit ndërkombëtar do të jetë rekomandues, ndërsa vendimmarrja tërësisht në duart e shqiptarëve”, tha Basha.
Basha foli për “fitore të parimeve të Partisë Demokratike”.
“PD zhvilloi një betejë të gjatë dhe këmbëngulja e saj pati rezultate pozitive. Konkludimi në këtë mënyrë i këtyre çështjeve, të lëna si litar jashtë në negociatat e të hënës, është konkludimi me sukses i PD-së për një draft kushtetues në përputhje me propozimet e Komisionit të Venecias dhë bazuar mbi propozimin e zonjës Nuland. Kjo betejë ka patur dy qëllime: Kushetuetshmërinë dhe të drejtat e liritë themelore”, vijoi kreu i demokratëve. /tesheshi.com/
