Maqedonia veriore nuk do ketë kryeministër shqiptar, as për katër vitet e ardhshme. Kauza e BDI-së ka rënë, pasi marrëveshja e arritur me LSDM-në, pra Ahmeti-Zaev, vendos që ky i fundit do jetë në krye të qeverisë me mandat të plotë 4-vjeçar, pa asnjë rotacion të mundshmëm me ndonjë emër shqiptar. Por nga ana tjetër, Talat Xhaferi do vijojë të jetë kryetar i Kuvendit.
“Ky vendim që është marrë të martën, pritej nga të gjithë qytetarët e vendit dhe partnerët ndërkombëtarë për vazhdimin e proceseve integrues”, tha Ali Ahmeti.
“Ne kemi dalë me kandidat (për kryeministër) si e drejt e jona legjitime dhe nëse do të barrikadohemi, asnjëherë nuk do të arrijmë zgjidhje për të mirën e qytetarëve. Mendoj se qëllimi është arritur që të përçojmë mesazhin te të gjithë qytetarët”, theksoi kreu i BDI-së.
“Lufta kundër koronavirusit do të jetë prioritet në punën e qeverisë, sikur edhe standardi ekonomik, rritja e pagave, lufta kundër krimit të organizuar dhe korrupsionit. Jemi pajtuar për forcimin e sistemit të drejtësisë, hetimin e pasurisë së funksionarëve dhe të kaluarën e tyre”, tha nga ana tjetër Zaev. /tesheshi.com/
