Lëvizja Vetëvendosje e Albin Kurtit dhe Lidhja Demokratike e Kosovës e Ise Mustafës duket se kanë arritur marrëveshjen e shumëpritur për qeverinë të re, pas gati katër muaj negociata.
Burime pranë të dy partive thanë se Glauk Konjufca VV-së do dorëhiqej nga posti i Kryetarit të Kuvendit, një prej kushteve të LDK-së, e cila do vetë këtë post, dhe do të kalonte në qeveri me një post ministri.
Sipas të njëjtave burime, çështja e Presidentit të Kosovës mbetet e hapur kur përfundon afati i Presidentit në detyrë Hashim Thaçi, dhe më pas përfaqësuesit e të dy palëve do të takohen për t’u konsultuar për pozicionin e presidentit të ri.
Qeveria e re do të ketë 15 ministri, gjashtë prej të cilave do t’i përkasin Vetëvendosjes, 6 Lidhjes Demokratike, 2 do t’i marrë Lista Serbe, e cila rezulton nga një detyrim kushtetues nëse qeveria ka më shumë se 12 ministri, ndërsa një vend ministror do të jetë nga partitë e pakicave. /tesheshi.com/
I mandatuari për kryeministër Albin Kurti ka kohë deri më 4 shkurt për të paraqitur qeverinë e re në Kuvendin e Kosovës. /tesheshi.com/
