Policia ndaloi në aeroportin “Nënë Tereza” në Tiranë një shtetas nga Ukraina, i dyshuar për vjedhjen e disa mijëra eurove në Sarandë.
Burime zyrtare bëjnë të ditur se shtetasi me inicialet O.K, 43 vjeç, banues në Ukrainë, u arrestua teksa po largohej nga Shqipëria.
Ndalimi i tij është bërë pasi dyshohet si autor i ngjarjes së ndodhur më datë 10.08.2017, në një hotel në Lagjen ”Nr.1” , ku i ka vjedhur shtetasit I.P., 40 vjeç, banues në Sarandë, një shumë parash prej 8300 euro.
Gjithashtu këtij shtetasi gjatë kontrollit të ushtruar nga policia janë gjetur 32 prerje 50 euro, të cilat u sekuestruan në cilësinë e provës materiale. /tesheshi.com/
