Ministri i Brendshëm, Bledi Çuçi, ka përshëndetur arrestimin e një turku të shumëkërkuar, që siç raportohet, fshihej në Palasë duke bërë plazh.
“Arrestimi i shtetasit turk të shumëkërkuar nga Interpoli një tjetër dëshmi e efikasitet gjithnjë e në rritje të policisë kriminale shqiptare. Përgëzime të gjithë oficerëve që morën pjesë në operacion. Tolerancë zero për krimin e organizuar”, thuhet në postimin e Çuçit në Twitter.
Fjala është për Faruk Fatih Özer, i arratisur nga Turqia duke mashtruar dhjetëra mijëra turq, të cilët kishin investuar paratë e tyre në monedhën virtuale turke “Thodex”, ndërsa ai ishte parë të qarkullonte edhe në vendin tonë.
Faruk Fatih Özer u arratis nga Turqia më 20 prill me 108 milionë dollarë dhe për të thuhej se fshihej në Shqipëri. /tesheshi.com/
