.
Pak ditë pasi u lirua ish komandati i përgjithshëm i UÇK-së dhe njëri nga njerëzit më të forte në PDK, Azem Syla, sërish është arrestuar sot, me urdhër të EULEX-it, pasi sipas tyre Syla ka ndikuar tek dëshmitarët.
Se është lëshuar një urdhërarrest për ish deputetin Syla, e ka bërë të ditur avokati i tij, Tomë Gashi.
Ky i fundit thotë se gjyqtarja e EULEX-it në rastin “Toka” (Për pronat në Çagllavicë) ka lëshuar urdhër për klientit të tij.
“Sipas kërkesës se Pokurorit të Eulex-it Gjyqtarja e Eulex-it në rastin “Toka” sot më 16.shtator 2016 ka lëshuar një urdhër për arrestimin e z.Azem Syla, me arsyetim se kinse në këtë rast ka tentim të ndikimit në njërin prej dëshmitarëve të mbrojtur. Është skandaloze dhe duket e qëllimshme se pse Eulex-i nuk e ka arrstuar personin të cilin e dine se kush është, atë që eventualisht e ka kontaktuar dëshmitarin e mbrojtur, sepse EULEX-i e pranon se ata kanë qenë në objektin e dëshmitarit të mbrojtur kur kjo ka ndodhur dhe e kanë fotografuar personin që e ka kontaktuar dëshmitarin e mbrojtur.
Është normale dhe obligative që të mbrohen dëshmitarët në lënd penale, por nuk është normale as ligjore dhe as e drejtë që të arrestohet z.Azem Syla kinse për tentim ndikimi në dëshmitare posaçerisht kur policia, prokuroria dhe gjyqtari i eulexit në formë të shkruar dekalarojnë se e dine personin që e ka kontaktuar dëshmitarin e mbrojtur e kanë fotografin e tij, dhe nuk e arrestojn atë por e arrstojnë z.Azem Sylen”, ka shkruar avokati Gashi në Facebook.
Këtë urdhër për arrestim, Gashi po e cilëson si skandal të radhës nga ana e EULEX’it.
Sipas vendimit të Gjykatës, ish deputeti Syla sot përseri do te dal para Gjyatarit të procedures paraprake në Gjyaktën Themelore në Prishtinë.
Koha nuk është përcaktuar se kur do të ndodhe kjo.
Syla ka qenë në arrest shtëpiak derisa EULEX-i e ka arrestuar nga arresti shtëpiak tani për dyshim të ndikimit në dëshmitarë.
/tesheshi.com/
