Është arrestuar në Beograd Milan Radoiçiç, njeriu kyç i ngjarjeve të 24 shtatorit në veri, në Banjske të Zveçanit, i akuzuar si koka e një grupimi kriminal serb që vrau një polic kosovar, duke sjellë reagimin e Specialeve të Kosovës me tre të vrarë e disa të plagosur nga ana e tyre.
Policët e Drejtorisë së Policisë Kriminale sot kanë bastisur banesën dhe objektet tjera të Milan Radoiçiqit, i cili është ndaluar deri në 48 orë, njoftuan gazetarët e Al Jazeera nga Beogradi, duke iu referuar deklaratës së
“Me kallëzim penal është dërguar në Prokurorinë e Lartë Publike në Beograd”, thuhet në komunikatën Ministrisë së Punëve të Brendshme të Serbisë.
Ditë më parë, avokati i tij Goran Petronijeviç lexoi mesazhin e Radoiçiçit në konferencën për shtyp në Beograd, në të cilin ai deklaroi se ishte në veri të Kosovës më 24 shtator me bashkatdhetarët e tij dhe se i ka bërë personalisht të gjitha përgatitjet logjistike, pa ndihmën e shteti serb.
E ndërsa Beogradi zyrtar mohon përfshirjen në organizimin e sulmit në Banjske, qeveria e Kosovës të hënën prezantoi video që sipas tyre dëshmojnë se grupi terrorist përgjegjës për sulmin në veri gëzonte mbështetje logjistike nga institucionet shtetërore serbe.
Ministri i Brendshëm Xhelal Svecla tha më herët të dielën se qëllimi i “sulmit terrorist të Serbisë” në Banjska ishte aneksimi i veriut të Kosovës.
Ai tha se përgatitjet për sulmin janë bërë në Serbi.
Arrestimi i Radoiçiçit nga vetë serbët vjen pas një presioni të fuqishëm ndërkombëtar mbi Beogradin. Por çështja është se atë e kërkon Prishtina për gjykim. /tesheshi.com/
