Një polic është arrestuar orët e para të mëngjesit të sotëm në Dibër, pasi ishte pjesë e përplasjes mes militantëve të dy partive. Policia e Shtetit tha në një njoftim se është arrestuar 26-vjeçari Demir Deda, lindur në Dibër dhe banues në Durrës, ku ishte edhe Punonjës Policie në Stacionin e Policisë në port, në Drejtorinë Vendore për Kufirin dhe Migracionin.
Rreth orës 01.00 të mëngjesit të sotëm, ai sëbashkëu me disa militantë të një partie politike, emrin e së cilës policia nuk e jep, është përfshirë në përplasje me militantë në një partie tjetër në rrugën e fshatit Ushtelenxë, në Peshkopi. Polici, sëbashku me disa të tjerë kishin bllokuar rrugën me dy mjete për militantët e partisë tjetër duke u konfrontuar verbalisht dhe fizikisht me njëri-tjetrin. Policia mbërriti në vendngjarje duke parandaluar përshkallëzimin e situatës.
Në automjetin tip ”Range Rover”, që drejtohej nga Deda, u gjet dhe u sekuestrua një armë zjarri pistoletë, të cilën ai deklaroi se e mbante me leje për shkak të detyrës si punonjës policie. Policia po ashtu tha se do të ndiqnin penalisht edhe tre persona të tjerë banues në Qarkun e Peshkopisë për ”pengim të qarkullimit të mjeteve të transportit”, ”prishjes së qetësisë publike” dhe ”kanosjes”. /tesheshi.com/
