Mediat turke raportojnë se bashkëpunëtorët e ngushtë të klerikut me banim në SHBA, Fethullah Gylen u arrestuan nga autoritetet ndërsa tentuan të iknin ilegalisht në Greqi.
Bëhet fjalë për Mehmet Güdem dhe gruan e tij Mine, të cilët së bashku me 18 persona të tjerë tentuan të kalonin në territorin grek, përmes lumit Evros, por u ndaluan nga xhandarmëria turke.
Nga 20 personat, u zbulua – sipas autoriteteve turke – se 16 ishin anëtarë të FETO-s së Gylenit dhe pjesa tjetër ishin anëtarë të organizatave kurde, të cilat Turqia i karakterizon si “terroriste”.
Gazetat turke raportojnë se Mehmet Güdem, gazetar dhe ish-anëtar i Fondacionit të Gazetarëve dhe Shkrimtarëve, është autor i librit “11 ditë me Fethullah Gulen”. Libri u botua në vitin 2005, kur marrëdhëniet Erdogan-Gylen ishin në kulmin e tyre, dhe u botua në serial në gazetën Milliyet.
Gudem u dënua me 6.5 vjet burg për anëtarësim në një organizatë të armatosur terroriste. Ai u arrestua fillimisht në vitin 2017, si pjesë e një hetimi nga Prokuroria e Përgjithshme e Stambollit kundër drejtorëve, anëtarëve dhe punonjësve të Fondacionit të Gazetarëve dhe Shkrimtarëve. Ai ka shkruar biografitë dhe të shumë politikanëve turq, përfshirë ish-presidentin turk Abdullah Gul. /tesheshi.com/
