Policia e Elbasanit arrestoi një shtetas 38 vjeç pasi gjatë një kontrolli i gjeti në xhep materiale që përdoren për bombë artizanale.
Burimet bëjnë të ditur se shtetasi Xhaferr Deliu u ndalua nga uniformat blu në lagjen “Dyli Haxhire”, ndërsa janë sekuestruar materialet: tritol, një kapsolle detonatorë dhe një fitil zjarrpërcjellës.
Sipas policisë, 38 vjeçarit i është gjetur, një pako e mbështjellë me natriban brenda në të cilën ndodhej një sasi prej 33.5 gr lëndë eksplozive e dyshuar me atë të llojit TNT (Tritol) e montuar së bashku me një kapsolle detonatore me gjatësi 2.9 cm si dhe një copë fitili zjarrpërcjellës.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe mbajtja pa leje e armëve luftarake dhe e municionit”. /tesheshi.com/
