Shërbimi i Sigurisë së Ukrainës (SBU) akuzoi të shtunën oligarkun Igor Kolomoisky, i cili ka qenë objektiv i sanksioneve të SHBA-së për tre vitet e fundit, për mashtrim dhe pastrim parash.
Arrestimi i sipërmarrësit më të shquar, i cili është gjithashtu një nga ukrainasit më të pasur që mbështeti presidentin Volodymyr Zelensky në zgjedhjet e 2019, vjen në një kohë kur Kievi dëshiron të provojë se po lufton korrupsionin edhe në kohë lufte.
“U konstatua se nga viti 2013 deri në 2020 Kolomoisky nxorri miliarda jashtë vendit duke përdorur infrastrukturën e bankave nën kontrollin e tij,” njoftoi SBU.
Kolomoisky më parë mohoi të gjitha akuzat kundër tij.
‼️🚨 Kolomoisky, the Oligarch who made Zelensky is now prosecuted by him:
The SBU has officially confirmed that the odious oligarch Igor Kolomoisky received suspicion under two articles of the Criminal Code of Ukraine – Art. 190 on fraud and art. 209 on the legalization… pic.twitter.com/poGe6oqCFi
— Lord Bebo (@MyLordBebo) September 2, 2023
Ky sipërmarrës, i shënjestruar nga sanksionet amerikane duke filluar nga viti 2021, konsiderohet si një nga oligarkët që, pas rënies së BRSS në 1991, grumbulloi një pasuri të madhe industriale, duke fituar kështu ndikim të jashtëzakonshëm politik dhe ekonomik.
Në prag të luftës, Zelensky vendosi t’u shkurtojë krahët me një ligj që i kërkonte të regjistroheshin dhe të mos ndërhynin në politikë.
Lufta ka dëmtuar fuqinë e tyre pasi komplekset industriale fitimprurëse janë dëmtuar rëndë në jug dhe lindje të vendit dhe kanalet e tyre televizive transmetohen nëpërmjet një sinjali të centralizuar.
Zelensky mohon se Kolomoisky kishte ndonjë ndikim në qeveri.
Dy deputetë, Jaroslav Zeleznyak dhe Irina Gerashchenko, besojnë se sulmi ndaj Kolomoyskit synon të krijojë publicitet pozitiv midis vendeve perëndimore që po ndihmojnë Ukrainën në luftën kundër Rusisë.
“Qeveritë perëndimore nuk do të hedhin para për rindërtimin e vendit nëse besojnë se kjo vetëm do të mbushë xhepat e oligarkëve”, shkruan Zheleznjak dhe Gerashchenko në Telegram.
Edhe Kievi ka aplikuar për anëtarësim në BE dhe Zelensky dëshiron të sigurojë dhjetëra miliarda dollarë për rindërtimin e vendit. /tesheshi.com/
