Autoritetet policore të Vushtrrisë në Kosovës kanë ndaluar shtetasin Besar Berisha, 29 vjeç, nga rrethi i Fierit, me akuzën “tentativë vrasjeje”.
Sipas deklaratës së policisë kosovare, atij nuk i është gjetur asnjë dokument identifikimi në çastin e ndalimit, por më pas është verifikuar si person i shpallur në kërkim nga policia shqiptare me akuzën “tentativë vrasjeje”
“Verifikimi i plotë i identitetit të personit të ndaluar është bërë përmes, “Drejtorisë për bashkëpunim ndërkombëtar në fushën e zbatimit të ligjit” (ILECU) , ku ka rezultuar që personi; B. B. 29 vjeç, të jetë shtetas i Republikës se Shqipërisë, i njëjti ishte shpallur në kërkim nga autoritetet policore drejtoria e qarkut Fier të Republikës se Shqipërisë, për vepër penale ’’ Vrasje me paramendim e ngelur në tentativë dhe armëmbajtje pa leje”, thuhet në komunikatën e zëdhënësit të policisë vendase.
“Personit të ndaluar me vendim të prokurorit fillimisht i është caktuar masa e ndalimit policor për 48 orë, deri në përfundimin e proçedurave për ekstradim tek autoritetet policore të Republikës së Shqipërisë”, ka nënvizuar zëdhënësi i Policisë së Kosovës për rajonin e Mitrovicës, Avni Zahiti. /tesheshi.com/
