Policia serbe ka arrestuar së fundmi Andriy Naumov, ish-bashkëpunëtor i ngushtë i presidentit ukrainas Volodymyr Zelensky.
Sipas informacioneve të para, Naumov u arrestua në jug të Serbisë me një gjerman, dyshohet se shoferi i tij, i dyshuar për pastrim parash.
Për arrestimin e tyre ka raportuar edhe MPB-ja e Serbisë, e cila thotë se policia kufitare ka gjetur 607.990 euro dhe 124.924 dollarë para të gatshme dhe dy smeraldë të çmuar në vendkalimin e Preshevës me Maqedoninë veriore.
Ata nuk kanë denoncuar para apo gurë të çmuar dhe akuzohen se i kanë përvetësuar të dyja me aktivitete kriminale dhe se kanë tentuar të largohen me to nga Serbia.
Naumov dhe shoferi i tij përballen me nga një deri në 12 vjet burg, por mediat ukrainase raportuan se Naumov mund të zbulojë disa sekrete shtetërore të Ukrainës në këmbim të lirisë së tij.
Deri kohët e fundit, ai ishte një nga drejtuesit e shërbimit të inteligjencës ukrainase SBU, derisa Zelensky e shkarkoi atë duke e akuzuar për tradhti të lartë.
Naumov iu bashkua SBU në vitin 2019, dhe në korrik të vitit të kaluar u emërua shef i Departamentit të Sigurisë së Brendshme.
Sipas mediave lokale, ai u largua nga Ukraina vetëm disa orë para fillimit të pushtimit rus dhe më herët e dërgoi familjen jashtë vendit.
Zelensky e pushoi zyrtarisht në fund të marsit, duke pretenduar se ka kryer tradhti të lartë dhe duke e quajtur atë një antihero që shkeli betimin e tij ushtarak. /tesheshi.com/
