Nga mediat egjiptiane mësohet se i biri i ish-presidentit Muhammed Mursi është arrestuar dy ditë më parë në shtëpinë e tij në Sharkije, në verilindje të Kajros.
Një avokat, e njëkohësisht zëdhënës i familjes, Osama mësohet të jetë i dyti nga bijtë e Muhammed Mursit që arrestohet prej nga 2013-a, ndërsa vetë ish-presidenti gjendet pas hekurave.
Sipas gazetës El Masri el-Youm, ndalimi i tij është bërë me akuzën për nxitje të dhunës.
“Ky është një krim i ri kundër familjes së presidentit dhe një vazhdim i dhunimit të të drejtave të presidentit,” raportohet të ketë thënë vëllai i të arrestuarit, Ahmedi.
“Ne i bëjmë thirrje çokujt ta dënojë atë që sapo ka ngjarë,” vijon reagimi i tij.
Familja Mursi i kërkoi të hënën OKB-së të ndërhyjë për të ndaluar shkeljen e të drejtave njerëzore të Muhammed Mursit nga autoritetet egjiptiane. Anëtarët e familjes së ish-presidentit deklarojnë se nuk janë lënë ta vizitojnë atë në burg prej tre vitesh.
I pari president egjiptian i zgjedhur demokratikisht, Muhammed Mursi u largua nga posti me një puç ushtarak në mesin e vitit 2013, për t’u arrestuar më pas. /tesheshi.com/
