Dy vajza janë arrestuar nga policia Kufitare në Muriqan, pasi u kapën me 21 kg lëndë e dyshuar si “kanabis sativa” në automjetin e tyre tip Benz.
Policia bëri të ditur se u arrestuan në kushtet e flagrancës Maradona B., 23 vjeç, dhe Dornela S, 26 vjeçe, banuese në Tiranë,
Arrestimi i këtyre shtetasve u bë pasi në dalje nga territori shqiptar, në PKK Muriqan në mjetin tip Benz, në pronësi të M. B, shërbimet e Policisë Kufitare gjatë kontrollit konstatuan të fshehur dhe sekuestruan në cilësinë e provës materiale 21 kilogramë lëndë narkotike “kanabis sativa”.
Materialet i kaluan Prokurorisë për Krimet e Rënda Tiranë, për veprën penale të “Trafikim i narkotikëve” kryer në bashkëpunim i mbetur në tentativë, parashikuar nga neni 283/a/2 e 22 i Kodit Penal. /tesheshi.com/
