Autoritetet maqedonase kanë arrestuar Toni Trajkovskin, njeriun që la për të vdekur deputetin shqiptar Zijadin Sela, mbrëmjen e 27 prillit në Kuvendin maqedonas. Ai njihet si përkrahës i flaktë i VMRO-së. Sakaq, Abdylfetah Alimi nga Kumanova, punonjës i sigurimit të kuvendit, i rrëfeu Alsat M se si ka mundur t’jua heq nga duart Selën, atyre që po e dhunonin.
“Kam rënë mbi trupin e tij dhe pashë se merrte frymë. Dy huliganëve që ishin aty u thashë largohuni se është i vdekur. Pastaj vendosa ta nxirrja nga ana e brendshme. Nuk lëvizte, dhe e mora në kurriz. Duke hipur shkallëve dikush tha se nuk ka mbaruar puna me Selën. U dukën shekuj derisa kam hyrë në zyrën 334. Sela ishte në gjëndje shumë të rëndë. E shtriva në dysheme.
Më tha se kush isha dhe i tregova se isha Fetahi i Siugrimit. Fetah më tha jam në besën tënde
Nuk kisha guxim të tregoja se ku isha. Nxorra një lajm ku thoja se Zijadini ishte rrëmbyer. Dera e zyrës ka qenë jetë a vdekje për ne. Ato tre katër orë ishin sa një shekull”, tha Abdylfetahu. /tesheshi.com/
