Autoritetet ruse arrestuan opozitarin Leonid Gozman, i cili së fundmi u kthye në Moskë nga jashtë, që është një tjetër në serinë e lëvizjeve në kuadër të goditjes së pamëshirshme të shtetit ndaj disidentëve.
Gozman, i arrestuar me urdhër të Ministrisë së Brendshme të Rusisë gjatë një hetimi penal kundër tij, akuzohet për shkelje të një ligji që kërkon nga qytetarët rusë të njoftojnë autoritetet se kanë nënshtetësi të një vendi tjetër ose një leje qëndrimi jashtë vendit.
Nëse shpallet fajtor, politikani liberal Gozman mund të dënohet me gjobë ose shërbim në komunitet.
Gozman, një kritik i zëshëm i sulmit të Rusisë ndaj Ukrainës, informoi autoritetet ruse se ai kishte gjithashtu shtetësi izraelite, por ata pretenduan se ai nuk e bëri këtë deri në afatin e fundit.
Në listën e “agjentëve të huaj”
Ai u largua nga Rusia pasi filloi sulmi në Ukrainë më 24 shkurt, por u kthye në qershor, të cilën ai e përshkroi si një zgjedhje “morale”.
Këtë vit, Ministria e Drejtësisë e Rusisë e vendosi Gozmanin në listën e “agjentëve të huaj”, që ka një konotacion poshtërues dhe nënkupton mbikëqyrje më të detajuar të një individi apo organizate.
Avokati i Gozman, Mikhail Biryukov, tha se klienti i tij u arrestua në metronë e Moskës dhe u dërgua në një stacion policie. /tesheshi.com/
