Arrestohet kritiiku i Putinit, Navalny: njeriu i vjetër ka frikë nga demostratat…

Politikani opozitar rus, Aleksei Navalny, thotë se është arrestuar afër banesës së tij në Moskë, në rrugën për të marrë pjesë në një tubim në Nizhni Novgorod.

Në një postim në rrjetin Instagram, ai ka shkruar sot se ishte arrestuar, ndërsa largohej nga banesa për të kapur trenin.

“Kjo tregon se si njeriu i vjetër Putin nuk dëshiron që unë të marrë pjesë në demonstratë”, ka shkruar Navalny, duke iu referuar presidentit të Rusisë.

Navalny, që është kritik i zëshëm i Putinit, po zhvillon fushatë për zgjedhjet presidenciale të Rusisë në vitin 2018, përkundër deklaratave të zyrtarëve zgjedhorë, që thonë se ai është i skualifikuar për shkak të dënimeve gjyqësore, për të cilat Navalny thotë se janë orkestruar nga Kremlini.

Tubimet, në kuadër të fushatës së tij në disa qytete, janë ndjekur nga qindra mijëra njerëz gjatë javëve të fundit.

Agjencia shtetërore e lajeve në Rusi, TASS, duke cituar ministrinë e Brendshme të Rusisë, shkruan se Navalny është arrestuar nga policia e Moskës, për shkak të “thirrjeve të përsëritura” që njerëzit të marrin pjesë në demonstratat e paligjshme. /tesheshi.com/