Udhëheqësi i grupit “Proud Boys”, i cili dyshohet të ketë marrë pjesë në trazirat në Kongres më 6 janar, kur mbështetësit e ish-presidentit amerikan Donald Trump sulmuan Kapitolin, u arrestua në Florida dhe u mor në paraburgim, ku një padi e pret atë, thanë zyrtarët federalë.
Joseph Randall Biggs, 37 vjeç, nga Florida, u arrestua të mërkurën dhe përballet me tre akuza: pengim i procesit (votimi i Senatit), ndërhyrje në një zonë të kufizuar dhe sjellje të keqe.
Ministria e Drejtësisë dhe Byroja Federale e Hetimit (FBI) e përshkroi Biggs si organizatorin e “Djemve Krenarë”, raporton CNN.
Biggs u paraqit menjëherë në gjykatë në Orlando dhe u la i lirë, por ai duhet të qëndrojë në arrest shtëpiak, me disa kufizime të tjera të vendosura ndaj tij, sipas të dhënave të gjykatës.
Avokati që e mbronte atë në gjykatë nuk iu përgjigj kërkesës për koment. /tesheshi.com/
