Kryesia e Kuvendit të Kosovës në mbledhjen e mbajtur sot vendosi që seanca plenare, në të cilën do të shqyrtohet projektligji për marrëveshjen mbi shenjëzimin dhe mirëmbajtjen e kufirit me Malin e Zi, të mbahet më 1 shtator.
Sipas raportimeve të mediave, kjo date është caktuar me kërkesë të LDK-së së Isa Mustafës, pasi kjo parti nuk i ka pasur të siguruara votat e një pjese të konsiderueshme të deputetëve të saj.
Mbledhja e kryesisë u zhvillua pa praninë e gazetarëve, të cilët nuk u lejuan të marrin pjesë në të, ndërsa këta të fundit bojkotuan raportimin nga distanca.
Ndërkohë kryetari i grupit parlamentar të Vetëvendosje-s, Glauk Konjufca, i cili hodhi gaz lotsjellës në mbledhje është arrestuar nga policia. /tesheshi.com/
