Prokuroria e Krimeve të Rënda urdhëroi ndalimin e gjyqtarit të Apelit, Shkëlqim Miri, i cili hetohet për akuzën e korrupsionit.
Burime mediatike thonë se gjyqtari ka qenë anëtar i KLD-së dhe aktualisht është anëtar i trupës gjyqësore të Apelit në Tiranë. Gjatë kontrollit në banesë atij i janë gjetur 30 milionë lekë të rinj.
Të njëjtat burime, saktësojnë se gjyqtari Miri ka ndryshuar akuzën nga vrasje, në plagosje të rëndë me dashje për një shtetas të quajtur Gentian Doda, i ekstraduar kohë më parë nga Los Anxhelos, në Shtetet e Bashkuara të Amerikës.
Gjatë mbrëmjes së të enjtes, policia ka bërë kontrollin me urdhër të prokurorisë në banesën e gjyqtarit, në Tiranë dhe i janë gjetur rreth 300 milionë lekë të vjetra. Pritet të ketë veprime të mëtejshme për gjyqtarin, i cili ka qenë anëtar i KLD-së deri në vitin 2012-të dhe më herët gjyqtar i Apelit në Durrës. /tesheshi.com/
