Autoritetet amerikane kanë së fundi arrestuar disa persona, përfshirë një që mbajti një flamur të Konfederatës në Kapitol javën e kaluar gjatë trazirave, tha Departamenti i Drejtësisë i SHBA.
Kevin Seefried dhe djali i tij Hunter u arrestuan të enjten në Delaware, raporton CNN.
Ai akuzohet për hyrje të paautorizuar dhe të dhunshme ose sjellje të keqe brenda Kapitolit, sipas një ankese penale nga Gjykata e Qarkut në Uashington.
Prokurorët thonë se Seefrieds “hynë në ndërtesën e Senatit përmes një dritareje të thyer dhe se pak më vonë Kevin Seefried u fotografua duke mbajtur një flamur beteje të Konfederatës në ndërtesën e Kapitolit.”
Kevin Seefried i tha Byrosë Federale të Hetimit (FBI) se ai solli flamurin e Konfederatës me vete nga shtëpia e tij në Delaëare, ku “normalisht spikat”.
FBI mësoi emrat e tyre pasi një nga kolegët raportoi se Hunter Seefried mburrej se ishte me babanë e tij në ndërtesën e Kapitolit.
Një zjarrfikës në pension, i dyshuar për hedhjen e një mjeti zjarrpërçues ndaj policisë gjatë sulmit të javës së kaluar në Kapitol, u arrestua gjithashtu, konfirmoi një zëdhënëse e Departamentit të Drejtësisë të SHBA.
Departamenti i Drejtësisë ka ngritur deri më tani më shumë se 70 çështje penale që kur mbështetësit e Presidentit në ikje Donald Trump sulmuan Kapitolin në 6 janar duke u përpjekur të parandalonin Kongresin të konfirmonte fitoren e Joe Biden në zgjedhjet presidenciale të SHBA.
Të paktën pesë vetë u vranë gjatë protestave. /tesheshi.com/
