Policia e Kosovës ka arrestuar deputetin e VV-së Ismajl Kurteshi i cili ka thyer masën e arrestit shtëpiak. Dy ditë më parë, pikërisht për aktin e tij kurajoz teksa morri pjesë në manifestimin e opozitës në Gjilan, Kurteshi dha dhe një intervistë për tesheshi.com: http://localhost/tesheshi/deputeti-i-vv-se-ismajl-kurteshi-thyhen-arrestin-shtepiak-dhe-del-ne-manifestim-ja-pse-veprova-keshtu/
Dhe sot, Kurteshi ka përfunduar nën prangat e policisë, duke vijuar kështu që të zgjasë zinxhirin e të arrestuarve nga opozita.
Njoftimi i VV-së:
Ditët kur Kadri Veseli thërret për seancë të Kuvendit, janë shndërruar në ditë policore:
– Ora 08:45, Policia arreston, në shtëpinë e tij, deputetin Ismajl Kurteshi për ta dërguar në Gjykatë.
– Ora 09:00, Policët civilë mbikëqyrin vazhdimisht zyrat e grupeve parlamentare të opozitës.
– Ora 09:15, Policia nuk lejon deputetët e opozitës që të futen në Kuvendin e Kosovës, duke dashur që të kontrollojë ata detajisht.
Një qeveri që me polici përpiqet të shtyp opozitën, është qeveri jolegjitime.
/tesheshi.com/
