Një biznesmen i shpallur në kërkim dhe i dënuar me vendim të gjykatës u arrestua nga policia e Tiranës.
Burime zyrtare bënë të ditur se shtetasi Xhelal Hoxha, 69 vjeç, i dënuar me 11 vjet e 8 muaj burg për mashtrim, u arrestua nga forcat e posaçme të operacioneve special.
Ky shtetas, në vitin 2006 ka marrë një borxh prej 50 mijë eurosh, të cilin nuk e ktheu kurrë.
69 vjeçari kishte lënë si garanci 5 apartamente në një pallat që po ndërtontë në atë kohë, në zonën e Golemit. Huadhënësi kishte verifikuar në hipotekë mbi pronësinë e apartamenteve, nga ku rezultoi se 69-vjeçari nuk kishte asnjë objekt, nga ato që kishte paraqitur si garanci për kthimin e parave.
Shtetasi me inicialet Sh.M pas dyshimeve se ishte mashtruar i ka kërkuar paratë që ndërtuesi i kishte borxh, por pavarësisht kërkesave, Xhelal Hoxha nuk ka pranuar t’I kthejë shumën.
Sipas dëshmisë së kallëzuesit në gjykim, i pandehuri i ka dhënë dy apartamente në Durrës dhe e konsideron si të shlyer borxhin. /tesheshi.com/
