Turqia ka arrestuar një avokat turk të punësuar nga Ambasada Gjermane në Ankara. Lajmin e bëri të ditur një diplomat në Ministrinë e Jashtme, dhe kjo ka ngjallur shqetësime se mund të rriten tensionet midis dy partnerëve kyç të NATO-s.
“Ne po përpiqemi intensivisht të zbulojmë se cilat janë akuzat,” tha një zyrtar gjerman, duke mos pranuar të indentifikohej. “Arrestimi është i pakuptueshëm.”
Avokati ishte punësuar nga ambasada gjermane për të siguruar dokumente në lidhje me shtetasit turq që kishin kërkuar azil në Gjermani, raportojnë mediat gjermane.
Marrëdhëniet midis dy vendeve janë tensionuar për shkak të kritikave gjermane për trajtimin e situatës pas një grusht shteti të dështuar në 2016, si dhe ofensivën ushtarake të Turqisë kundër milicisë kurde në Siri. /tesheshi.com/
