Arrestohet një nga ish-pronarët e universiteteve private në Shqipëri. Bëhet fjalë për Ahmet Muçën, ish-pronarin e Universitetit Kristal, i cili u mbyll në vitin 2014 pas reformës drastike në Arsimin e Lartë.
Ai akuzohet për “falsifikim dhe shitje diplomash” nën logon e universitetit që ai drejtonte edhe pas mbylljes.
Muça është arrestuar dhe më herët nga policia, por jo për shkaqe arsimotre. Në 2015-tën, ai u ndalua pasi drejtonte një automjet tip “Land Rover” pa pasur patentë.
Muça arrestohet në një moment të rëndë për familjen së tij, pasi ka ndërruar jetën i biri 23-vjeçar si pasojë e një sëmundjeje të rëndë.
Ahmet Muça është ndër të parët që investoi në arsimin privat, që në fillim të viteve 2000. Në vite ai nisi të krijonte një tip perandorie arsimore, ku në krye qëndronte universiteti. Aty puthuasje gjenin shpëtim të gjithë duke siguruar diploma pa qenë asnjë ditë në leksione. Prej tyre dhe shumë zyrtarë shteti, ose nga ana që më vonë bëheshin deputetë. /tesheshi.com/
