Një shtetas i kërkuar për trafik ndërkombëtar droge u arrestua nga policia e Tiranës. Burime zyrtare bënë të ditur se Forca e Posaçme e Operacioneve Speciale dhe Kërkimit arrestoi 35-vjeçarin Xhaferr Kita, banues në fshatin Kryemëdhej Kavajë.
Ky shtetas ishte shpallur në kërkim ndërkombëtar nga Interpol Roma në datë 26.04.2016, pasi Gjykata e Hetimeve Paraprake Milano (Itali ) me vendimin e datës 01.04.2016 ka caktuar masën e sigurisë “Arrest me burg për veprën penale “trafikim i paligjshëm i lëndëve narkotike & substancave psikotrope”, parashikuar nga nenet 110 të Kodit penal italian dhe nenet 73 paragrafi 1 i ligjit 309/1990.
Maksimumi i dënimit është deri në 20 vjet burg.
Ky shtetas u shoqërua në ambientet e Drejtorisë Vendore të Policisë Tiranë për veprime të mëtejshme. Ndërkohë që nga shërbimet e policisë po vazhdon puna për sekuestrimin e pronave dhe aseteve pasurore që disponon. /tesheshi.com/
