Policia e Sarandës arrestoi një shtetas nga Kosova me akuzën e dhunës në familje. Burime policore bënë të ditur se 23- vjeçari R.G është konfliktuar dhe ka ushtruar dhunë fizike ndaj bashkëshortes së tij V.G, 21 vjeç dhe babait të saj E.G, 48 vjeç.
Komisariati i Policisë Sarandë:
Më datë 05.08.2017, u arrestua në flagrancë shtetasi R.G., 23 vjeç, banues në Kosovë, pasi rreth orës 04. 30, në lagjen Nr. 1, Sarandë është konfliktuar dhe ka ushtruar dhunë fizike ndaj bashkëshortes V.G., 21 vjeçe, dhe vjehrrit të tij, E.G., 48 vjeç, banues në Prishtinë.
Gjithashtu filloi proçedimi penal në gjendje të lirë për shtetasin L.Zh., 17 vjeç, banues në Breme, Gjermani, sepse në këtë konflikt, ka goditur me sende të forta shtetasin D.G., 54 vjeç, banus në Prishtinë si dhe shtetasin A.G., 26 vjeç, banus në Obiliq Kosovë.
Materialet proceduriale i kaluan Prokurorisë së Rrethit Sarandë. Neni 130/a/1, 89 Kodit Penal. /tesheshi.com/
