Policia e Kurbinit informon se ka arrestuar tre të rinj, për të cilët dyshohet se mund të jenë ata vrasësit e një 16-vjeçari natën e ndërrimit të viteve, pasi po atë natë kanë qëlluar me armë zjarri për motive festive duke u vetëfotografuar.
Ata janë:
Alban Lika, 25vjeç, banues në Kurbin.
Ernis Lika, 20vjeç, banues në Kurbin.
Arber Lika,18vjeç, banues në Kurbin.
“Në cilësinë e provës materiale u sekuestrua automjeti së bashku me targat të cilat ishin në bagazh, 19 gëzhoja dhe një fishek model 56, kalibri 7.62. mm”, thuhet në njoftimin e policisë, ku shtohet se në kërkim është dhe Gj.S., 23 vjeç, banues po në Kurbin.
Shtetasi i lartpërmendur u shpall në kërkim nga Policia, pasi më datë 01.01.2018, rreth orës 00.25, duke drejtuar automjetin e tij tip Benz, dyshohet se ka qëlluar me armë zjarri në qytetin e Laçit dhe më pas ka braktisur mjetin në një lavazh, dhe është larguar. Gjatë kontrollit të automjetit u gjetën 2 fishekë luftarakë dhe një gëzhojë model 56 kalibri 7.62 mm.
Tashmë policia po heton nëse ndonjë plumb qorr i dalë nga arma me të cilën ata kanë qëlluar, ka përfunduar në trupin e 16-vjeçarit i cili u gjet i vdekur në tarracën e banesës, teksa kishte dalë për të festuar me fishekzjarre. /tesheshi.com/
