Veton Dragusha dhe Blerim Maqastena, aktivistë të Lëvizjes Vetëvendosje, janë arrestuar sot nga policia, për shkak të pjesëmarres në një protestë para disa viteve. Lajmi është bërë i ditur përmes një komunikate që ka lëshuar VV, e cila këto arrestime i quan pjesë të pushtetit kriminal të kryeministrit Isa Mustafa.
“Ka kohë që ky pushtet e ka bërë të qartë se angazhimi i tij është në kundërshtim me interesin e shtetit të Kosovës. Ky pushtet që protestuesit i lufton haptasi është i vendosur po e shndërron Kosovën në një shtet të egër autoritar. Prandaj është domosdoshmëri edhe angazhimi kundër vazhdimit të kësaj qeverisjeje. Aktivistët duhet të lirohen menjëherë dhe përndjekja ndaj Vetëvendosje-s të ndalojë”, thuhet në kumtesën e VV-së.
Ndërsa po sot, Gjykata Themelore në Prishtinë ka lëshuar urdhërarrest për Albin Kurtin.
Gjyqtari Beqir Kalludra këtë vendim e ka marrë për shkak të mungesës së tij në seancën gjyqësore për gazin lotsjellës.
Ndërkaq, bëhet e ditur se Kurti është jashtë vendit, konkretisht po qëndron për vizitë në Austri për të marrë pjesë në një tubim me bashkatdhetarët atje. /tesheshi.com/
