Gjatë së mërkurës Prishtina u mbush me disa fletëarreste lëshuar nga disa aktivistë në emër të policisë.
Pas këtij aksioni Policia e Kosovës ka dalë me një deklaratë për media ku ka bërë të ditur arrestimin e dy personave si dhe për të sqaruar atë që është bërë në emër të policisë.
Në deklaratën e policisë për media thuhet: “Sot me datë 26.08.2015, rreth orës 16:00, disa persona kanë shpërndarë fletushka në formë të urdhërarrestit dhe atë në emër të Policisë së Kosovës.
Policia e Kosovës, në konsultim me prokurorin kompetent ka ndërmarr të gjitha veprimet e nevojshme fillestare për identifikimin e personave të dyshuar lidhur me veprën penale të specifikuar sipas kodit penal të Republikës së Kosovës “ raste të posaçme të falsifikimit të dokumenteve “ dhe ka shoqëruar për intervistim disa persona të dyshuar.
Pas përfundimit të procedurave të intervistimit me urdhër të prokurorit personat e dyshuar janë liruar në procedurë të rregullt, thuhet në sqarimin e Policisë së Kosovës./tesheshi.com/
