2 aktivistë të lëvizjes Vetëvendosje janë arrestuar ditën djeshme, ndërsa më një maj në Aeroportin “Adem Jashari”, i janë vënë prangat Sekretarit Organizativ të lëvizjes Vetëvendosje, Dardan Molliqaj, pa asnjë arsyetim.
Ditën e djeshme, në pikëkalimin kufitar në Vërmicë janë arrestuar aktivistët Frashër Krasniqi dhe Etlevë Malushaj.
VV ka reaguar sot në lidhje me këto ngjarje duke u shprehur se pushteti aktual, përmes policisë dhe sistemit gjyqësor që i ka kapur, ka nisur fushatë kundër aktivistëve të lëvizjes.
Në reagim shtohet se VV konsideron që aksionet politike dhe protestat janë të drejta, legjitime dhe të domosdoshme karshi vendimeve të dëmshme të kësaj qeverie.
“Nuk është dhe nuk mund të jetë demokratik asnjë shtet e as pushtet që përndjek qytetarët e vet për shkak të pakënaqësisë që ata kanë dhe për shkak të shprehjes së kësaj pakënaqësie”,- thuhet në deklaratën e VV./tesheshi.com/
