Beogradi ka thirrur një mbledhje të menjëhershme të qeverisë pas arrestimit të 15 serbëve në Brezovicë nga policia e Kosovës.
Lajmi për arrestimin e tyre është bërë me dije për mediet serbe nga shefi i Zyrës serbe për Kosovën, Marko Gjuriç, i cili ka thënë se do t’i kërkojë qeverisë në Beograd që të thërrasë një takim urgjent.
Ai ka thënë se në parkun nacional “Shara” në Brezovicë, policia ka arrestuar të gjithë punëtorët që janë gjetur aty.
Sipas tij, aty janë arrestuar 15 syresh, me në krye drejtorin, të cilët po mbahen të ndaluar në Ferizaj.
Sipas Policisë së Kosovës, ata janë arrestuar nën dyshimin për keqpërdorim të autorizimeve ekonomike dhe shkatërrim të pyjeve.
Të arrestuar ka edhe serbë, mirëpo na duhen informacionet përfundimtare për ta konfirmuar nacionalitetin e të gjithë të arrestuarve”, ka thënë zwdhwnwsi i Policisw sw Kosovws, Baki Kelani. /tesheshi.com/
