Astrit Kapaj, 42 vjeç nga Kosova, është njeriu të cilin policia britanike e lidh me një seri vjedhjesh, ku viktimë kanë rënë dhe emra të njohur nga bota e personave VIP.
Kapaj, i rënë së fundi në prangat e policisë britanike, pranoi se kishte vjedhur stoli me vlerë më shumë se 550,000 paund në dhjetë vitet e fundit të një karriere të ethshme prej hajduti profesionist.
Ai ka jetuar në Mançester dhe “ka operuar” në zonën e Londrës, duke qenë tmerri i grabitjeve që nga viti 2008 e deri në shkurt të këtij viti kur më në fund u kap.
Kapaj do të gjykohet për grabitje të mëdha, ku përfshihet dhe vjedhja e një unaze diamanti, një gjerdan ari, veshje dhe para. Gjithashtu, pretendohet se ai ka lidhje me grabitjen e vilave të njerëzve të famshëm, duke përfshirë ish-tenistin e famshëm gjerman Boris Becker dhe futbollistin Nicolas Anelka.
Në rastin e Anelkas, mendohet se ky i fundit e diktoi gjatë vjedhjes, e ndoqi nëpër kopshët, por Kapaja arriti të ikë. Shumë nga viktimat e vjedhjeve të tijn në gjykatë për të festuar arrestimin. /tesheshi.com/
