Menjëherë pas arrestimeve të disa ish-zyrtarëve të lartë të drejtorisë së Rrugëve kanë nisur të dalin detaje të përplasjeve që kanë ndodhur.
Gazetari i njohur i çështjeve të krimit dhe kronikës së zezë, Artan Hoxha thekson se dosjet ishin fshehur nga njerëzit e Llallës në prokurorinë e Elbasanit, ndërkohë që u shkarkua autorja e tyre.
Drejtues i Prokurorisë së Elbasanit ishte Dritan Gina, bashëshorti i Rovena Gashit që më pas u largua nga Kryeprokurorja Arta Marku.
Ja statusi i Artan Hoxhës
“Per te gjithe ata qe nuk i ka zene ende gjumi…
Policia deri tani ne mesnate ka arrestuar 6 ish-drejtore rrugesh, dhe funksionare te larte te Ministrise se Transporteve, ndersa aksioni vazhdon per te arrestuar dhe 5 te tjere….
E mbani mend ate prokuroren e Elbasanit(Amanda Xhaferri) qe denonconte ne fillim te dhjetorit te kaluar se i kishin rrembyer tre dosje te rendesishme hetimore eproret e saj te komanduar nga Llalla?!!!
Me duket se ia paskan kthyer!!!!
Para dy javesh dergoi ne gjykate per mashtrim dhe evazion fiskal dy shefat e Kurum, ndersa sot paska bere nje “zarar” tjeter.
Ka leshuar 11 urdherarresti per skandalin e rruges Tirane-Elbasan. Deri ne mesnate policia ka ekzektuar 6 prej tyre, duke arrestuar dy personazhe te rendesishem, dy ish-drejtore rrugesh Andi Toma i PD-se dhe Dashamir Xhika i LSI-se. Te arrestuarit akuzohen se i kane shkaktuar shtetit nje dem prej 50 milione $ per shkak te moszbatimit te kontratave ne ndertimin e rruges Elbasan-Tirane qe vazhdon te mos kete perfunduar….
Dhe keta nuk me duken se jane peshq dhe aq te vegjel…” /tesheshi.com/
