PD e ka përkthyer në mënyrën e saj arrestimin e djalit të deputetit socialist, të akuzuar për dhunimin e një vajzë; pra, Rexhep Rrajës, i denoncuar më parë nga shtetasja Xhisiela Maloku.
“Arrestimi i djalit përdhunues të deputetit të PS është prova se gjithë vëmendja e Edi Ramës këto dy muaj dhe e Prokurorisë nën urdhrat e tij ka qenë për të mbrojtur përdhunuesin dhe zyrtarët e deputetët e tij, të përfshirë në krim.
Arrestimi i djalit të pushtetarit erdhi vetëm pas bërjes publik të rastit nga nënkomisar Emiljano Nuhu, duke provuar vërtetësinë e dëshmisë së tij. Por arrestimi i djalit të deputetit të Edi Ramës, vetëm nën presionin e lartë publik, është i pamjaftueshëm dhe një truk për t’i vënë kapak një skandali më të madh politik: përfshirjes direkte të disa prej pushtetarëve më të lartë të vendit në krimin e mbulimit të torturimit të vajzës nga djali i deputetit të Edi Ramës”, thuhet në një deklaratë të partisë më të madhe opozitare.
Më tej, PD ec me bindjen se vërtet, deputeti Balla ka qenë prezent në kërcënimin e pretenduar nga polici në arrati.
“Arrestimi i djalit të deputetit të PS Rrahman Rraja është një truk, sepse, bashkë me të, para drejtësisë duhet të ishte Rrahman Rraja, Taulant Balla dhe Artur Bushi, të pranishëm në kërcënimin me pistoletë në kokë të nënkomisar Emiljano Nuhut për të mbyllur çështjen”, thuhet ndër të tjera në deklaratë. /tesheshi.com/
