Krahas Henri Çilit të arrestuar, është dhe biznesmeni i njohur shkodran Sait Fishta.
Emri i këtij të fundit është i vetmi që është publikuar ndër dhjetra të tjerë të ndaluar në kuadër të një operacioni të orëve të mbrëmjes e së të enjtes e mëngjesit të së premtes.
Por ndërsa Çili është transferuar në paraburgimin e Gjirokastrës, Fishta është në Drejtorinë e Policisë në Tiranë.
Nga ana tjetër, Për Cilin thuhet se ka marrë e dhënë me Adil Alikon, një ndër njerëzit me më pushtet financiar në Lazarat, djali i të cilit është akuzuar e dënuar për vrasjen e komandos Ibrahim Basha pak vite më parë. Sipas hetimeve, Çili ka dalë garant për lehtësimin e vendimmarrjes gjyqësore për Arbion Alikon, në këmbim të përfitimit të tokave. Në këtë aferë ka qenë i përfshirë dhe juristi i tij, gjithashtu i ndaluar, Ilir Korbi.
Por ende nuk është i qartë pozicioni i biznesmenit Fishta në këtë aferë. Ky i fundit nuk ka asnjë njohje me Henri Çilin, e gjithashtu nuk njihet si i përfshirë në afera të dyshimta apo me impakt në vendimmarrje gjykatash. /tesheshi.com/
