Akademik Rexhep Qosja, është shprehur me një gjuhë të ashpër ndaj qeverisjes aktuale të Kosovës, duke e pagëzuar si një regjim fashist.
Në një reagim të tij pas arrestimit të disa figurave të Vetëvendojes, një ditë parav protestës së paralajmëruar të opozitës së bashkuar, Qosja ka fshikulluar rëndë dyshen Mustafa – Thaçi, edhe pse nuk jua ka përmendur emrin:
“Regjimi i sotëm në Kosovë ka hyrë në fazën e përdorimit të metodave fashiste në pushtetin që po zbaton dhe këto metoda fashiste nuk po i përdor vetëm sot.
Dëshmi posaçërisht e egër e zbatimit të metodave fashiste në pushtetin e Kosovës janë burgosjet e deputetëve dhe të aktivistëve të opozitës që tash e sa kohë po urdhëron qeveria e Kosovës.
Nuk ka dyshim se qëllimi i arrestimit të tyre është dobësimi sa më i dukshëm i protestës së nesërme….
Kur burgosen aq lehtë, e në mënyrë aq fashiste krerët e opozitës, çka mund t’u ndodhë qytetarëve të tjerë!”, shprehet ndër të tjera Qosja.
