Arrestimi i kreut të AAK-së Ramush Haradinaj në Francë në bazë të një urdhër-arresti të lëshuar nga Serbia ka ngjallur reagime të mëdha.
Jo vetëm politkanë nga Kosova dhe Shqipëria të cilën me ngulm po kërkojnë lirimin e tij, por edhe qytetarë të thjeshtë kanë shprehur brengën e tyre.
Por qytetari nga Tirana, Leonard Dedaj ka protestuar në mënyrë unike. Ai sot para ambasadës së Francës në Tiranë ka shkelur me këmbë flamurin e Serbisë duke kundështuar arrestimin e ish-komandantit të UÇK-së, ndërsa në dorë mbante flamurin e Francës ku shkruan “Je Suis Haradinaj” (Unë jam Haradinaj).
Ndryshe, pavarësisht së kërkesës së Beogradit që Haradinaj të ekstradohet në Serbi, avokati Arianit Koci thotë se gjasat për një gjë të tillë janë zero. /tesheshi.com/
